Abstract:
Nhwehwɛmu yi fa Abakɔsɛm ne nkyerɛase bi a Akanfoɔ akyeampoma so nsɛnkyerɛnne
ahodoɔ no bi de to dwa. Me botaeɛ titire a ɛma meyɛɛ saa nhwehwɛm yi ne sɛ, Akanfoɔ yɛ
nipakuo bi wɔde nsɛnkyerɛnne ahodoɔ di dwuma wɔ wɔn daadaa abrabɔ mu. Meyɛɛ
nhwehwɛmu yi wɔ Akuapem nkuro du mu na dwuma yi ma no tɔ dwa sɛ, Akanfoɔ ne titire
Akuapemfoɔ de wɔn akyeampoma so nsɛnkyerɛnne ahodoɔ no kasa kyerɛ ɔmanfoɔ. Yɛde di
dwuma wɔ ayie ase, afahyɛ, ahensie ne ahentuo, awareɛ ne mmerɛ ahodoɔ pii. Bio, mehunuu
no sɛ nsɛnkyerɛnne no biara wɔ ne nkyerɛaseɛ ne abakɔsɛm a ɛtaa akyire. Yei akyi no ɛda adi
nso sɛ ɛsɛ sɛ ahemfo ne wɔn a saa akyeampoma yi hyɛ wɔ nsa no tumi de pue bere a ɛsɛ mu
na ama amansan ahunu nepa a ɛwɔ saa nsɛnkyerɛnne yi mu na nkyirimma atumi asua mu
abakɔsɛm de abɔ wɔn abra.
