Nsɛntsitsir na kasasu a ɔda edzi wɔ paapa Yankson ne haelaefo ndwom binom mu

Abstract

Nhwehwεmu yi no botae nye dε ͻtwe adwen si nsɛntsitsir na kasasu a ͻda edzi wͻ Paapa Yankson ne haelaefo ndwom binom mu. Nhwehwεmu yi nam nyiyimu kwan a ogyina botae do, paaw Paapa Yankson no ndwom enum dzii dwuma no. Nhwehwԑmu yi ammfa adwenmusɛm biara enndzi dwuma wɔ ne mpԑnsampԑnsamu mu. Mbom ndwom no mu nsԑm mpԑnsampԑnsamu noara aboa ada nsɛntsitsir na kasasu a ͻda edzi wͻ Paapa Yankson ne haelaefo ndwom enum mu no edzi. Nsɛntsitsir a ɔdaa edzi no nye ahwԑyie, nyaatwom, mboa, ɔdɔ, asomdwee, ɔtan hun, pɛsɛankonya, awar na enyigye. Kasasu a ɔdaa edzi wɔ ndwom enum no mpɛnsampɛnsamu no nye sɛ nyimpa, ammpε-mbuae asεmbisa, ngyinahɔma, enyihaahaa, nsawɔdo, nsido, enyido ebirabɔtsia, ɔfamamua na enyido-ebirabɔsԑm. Nsɛntsitsir na kasasu a ɔdaa edzi wɔ mpԑnsampԑnsamu no mu no nyinara dze nsԑm a ɔfa nyimpa n’abrabɔ ho to gua kyerɛ etsiefo.