Kumase mpɔtamu bi din mu mpɛnsɛmpɛnsɛmu wɔ sociolinguistic kwan so

Abstract

Dwumadie yi fa Kumase mpɔtamu bi din mu mpɛnsɛmpɛnsɛnmu wɔ ‘socio-linguistic’ kwan so ho. Botaeɛ titire a megyinaa so yɛɛ saa nhwehwɛmu yi ne sɛ, (i) yɛbɛhunu nnoɔma ahodoɔ a Asantefoɔ gyina so de edin toto wɔn mpɔtamu, (ii) twaka a ɛda Kumase mpɔtamu ahodoɔ no din so ne ɔmanfoɔ no ntam, na afei, (iii) nsakraeɛ a aba Kumase mpɔtamu yi din ahodoɔ no mu. Saa botaeɛ ahodoɔ yi so na megyina pɛɛ nhwehwɛmu yi ho nsɛmmisa; weinom ne; (a) Nnoɔna bɛn na Asantefoɔ gyina so de edin toto Kumase mpɔtamu so? (b) Twaka bɛn na ɛda mpɔtamu ahodoɔ yi din ne ɔmanfoɔ binom ntam? (c) Nsakraeɛ bɛn na aba Kumase mpɔtamu din ahodoɔ no mu? Deɛ atwerɛfoɔ binom aka afa dwumadie yi ho nso da adi wɔ nhwehwɛmu yi mu. Afei megyinaa nsɛmmisa ahodoɔ yi so yɛɛ dwumadie yi ho mpɛnsɛmpɛnsɛnmu mmaako mmaako. Nhwehwɛmu yi de mmoano, nsusuiɛ ne adwenkyerɛ na ɛba awieeɛ.