Abstract:
Nhwehwεmu yi no botae nye dε ↄtwe adwen si Akan atam edzin ho nhwehwεmu
wↄ Kasa mbra na Sohyiolengwesteks kwan do. Nhwehwεmufo dze praemari
mboanosεm a minyaa no wↄ atamtↄmfo hↄ na sεkεndari mboanosεm a minyaa no
wↄ nwoma ahorow mu dzii dwuma. Nhwehwεmu yi kↄr do wↄ mansin ebien a ↄwↄ
Mfinimfin Mantↄw mu. Mansin no nye Mfantseman Mansin na Assin Central
Mansin mu. Nkurow a nhwehwεmu yi kↄr do wↄ mu no yε ebien; Mankεsemu na
Assin Foso. Nhwehwεmufo no gyinaa nhwehwεmu kwan a ogyina botae do paaw
nyimpa dze dzii dwuma yi. Nyimpa a medze hↄn dzii dwuma no yε atantↄmfo,
mpanyinfo a wↄdze tam dzi hↄn daa daa dwuma na ndε mber yi mu mba. Mepaaw
nyimpa du (10), mbasiafo beesia (6) na mbanyin baanan (4). Adwenmusεm a
medze piaa mpεnsampεnsamu no ekyir nye kasa mfeefeemu mpεnsampεnsamu
a Fariclough (1995) dze to gua. Adwenmusεm yi aboa ada no edzi dε twaka bi da
Akan atam edzin na amambra mu. Nhwehwεmu yi da no edzi dε Akan atam edzin
no mu bi yε sentase nhyehyεε a ↄyε asεntↄw tsiaba, asεntↄw mbↄho na asεntↄw
kuntann. Atam edzin no bi so yε asεnka, asεmbisa na nhyε. Sohyilengweks kwan
do no so ↄda edzi dε Akan Atam edzin no bi yε ekutsia, afotu na abεbu. Atam no
bi yε dza wotum dze kↄ ayeforhyia ase, eyi na abadzinto. Nhwehwεmu yii san da
no edzi dε Akanfo hwε tam ahosu ho ana wↄdze edzi dwuma. Atam ahosu a ↄda
edzi wↄ nhwehwεmu yi mu nye sika, fufuw, tuntum na kↄkↄↄ.
Description:
Nhwehw[mu dwumadzi a medze ama Esuap]n yi ne fa a ]hw[ kasa ho
adzesua do ne fa a ]hw[ Akan-Nzema kasasua a ]w] Simpa Esuap]n mu dze
ama Esuap]n yi mu “School of Graduate Studies” so.
Iyi b]boa ma esuap]n no ama me
“Master of Philosophy”
(Ghanaian Language Studies-Mfantse)
w] University of Education, Winneba
